BIG NEWS
ପଥଚାରୀଙ୍କ ଉପରେ ମାଡିଗଲା ଡ଼ମ୍ଫର : ୬ ମୃତ, ଦୁଇ ଗୁରୁତର

ଏକାମ୍ର ଉଦ୍ୟାନରୁ ଗୋଟିଏ ଗଛ କଟିଲେ ନବୀନ ନିବାସ ଆଗରେ ସତ୍ୟାଗ୍ରହ କରିବ ବିଜେପି

FMODIA.IN 04-11-2020
The BJP will stage a satyagraha in front of the new residence if a tree is cut down from Ekamra Park

ଭୁବନେଶ୍ୱର, ୦୪ ନଭେମ୍ବର :-- ଏକାମ୍ର ଉଦ୍ୟାନକୁ ବିକ୍ରି କରିବା ପାଇଁ ରାଜ୍ୟସରକାର ମସୁଧା ଚଲାଇଛନ୍ତି । ରାଜ୍ୟସରକାର ୨୦ ଏକର ୧୯୨ ଡେସିମିଲ ସାଧାରଣ ପ୍ରଶାସନ ବିଭାଗକୁ ହସ୍ତାନ୍ତର କରିବା ନେଇ ପତ୍ର ଲେଖିଛନ୍ତି । ବୁଧବାର ଶ୍ରୀକୃଷ୍ଣ ମଣ୍ଡଳ ପକ୍ଷରୁ ବିଜେପି କାର୍ଯ୍ୟକର୍ତାମାନେ ଏକାମ୍ର ଉଦ୍ୟାନ ଆଗରେ ପ୍ରତିବାଦ କରି ତୁରନ୍ତ ଜମି ହସ୍ତାନ୍ତର ପ୍ରକ୍ରିୟାକୁ ପ୍ରତ୍ୟାହାର କରିବା ଏବଂ ନୂତନ ଜଙ୍ଗଲ ସୃଷ୍ଟି କରିବା ନେଇ ଏକ ସ୍ମାରକ ପତ୍ର ଉଦ୍ୟାନ ବିଭାଗ ନିର୍ଦ୍ଦେଶକଙ୍କୁ ପ୍ରଦାନ କରାଯାଇଛି । ଏଠାରୁ ଗୋଟିଏ ବି ଗଛ କଟାଗଲେ ନବୀନ ନିବାସ ଆଗରେ ସତ୍ୟାଗ୍ରହ କରାଯିବ ବୋଲି ବିଜେପି ଚେତାବନୀ ଦେଇଛି ।
ଏକାମ୍ର ଉଦ୍ୟାନର ଜମି ହସ୍ତାନ୍ତର ହେଲେ ଏହା ପରିସରରେ ଥିବା ୧୦୦ ଆମ୍ବଗଛ ସହ ୮୦୦୦ରୁ ଅଧିକ ଗଛ ବଳି ପଡିବା ସୁନିଶ୍ଚିତ । ଦେଶରେ ଯେତେବେଳେ ୨୦୦ ସହରରେ ନଗରବନ ଯୋଜନାକୁ କାର୍ଯ୍ୟକାରୀ କରିବା ନିମନ୍ତେ ଖସଡା ପ୍ରସ୍ତୁତି ହେଉଛି ସେ ସମୟରେ ରାଜ୍ୟସରକାର ସଂରକ୍ଷିତ ବନ୍ୟାଚଂଳକୁ ମୂଳରୁ ଧ୍ୱସଂ କରିଦେବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ରାଜ୍ୟ ମୁଖପାତ୍ର ଶ୍ରୀ ଦିଲୀପ ମହାନ୍ତି ଅଭିଯୋଗ କରିଛନ୍ତି ।

ଏକାମ୍ର ଉଦ୍ୟାନରୁ ହଜାର ହଜାର ସଂଖ୍ୟାରେ ଗଛ କଟାଗଲେ ରାଜଧାନୀର ପରିବେଶ ଉପରେ ଏହାର ଅନେକ କୁପ୍ରଭାବ ପଡିବ । ଏହି ଜମିକୁ ହସ୍ତାନ୍ତର କରାଯିବା ପରେ ଉଦ୍ୟାନରେ କାର୍ଯ୍ୟରତ ଶ୍ରମିକମାନେ ଚାକିରୀ ହରାଇବେ । ବନୀକରଣକୁ ପୋତ୍ସାହିତ କରିବାର ଉଦ୍ଦେଶ୍ୟ ନେଇ ନିର୍ମାଣ ହୋଇଥିବା ଏହି ଉଦ୍ୟାନର ଗୋଟିଏ ଗଛ କଟିଲେ ନବୀନ ନିବାସ ଆଗରେ ସତ୍ୟାଗ୍ରହ ହେବ ବୋଲି ଶ୍ରୀ ମହାନ୍ତି ଚେତାବନୀ ଦେଇଛନ୍ତି । ଏହା ସହ ମୁଖ୍ୟମନ୍ତ୍ରୀ ନିଜେ ଏହି ଘଟଣାରେ ହସ୍ତକ୍ଷେପ କରି ଯେଉଁ ଅଧିକାରୀମାନେ ଏହି ଉଦ୍ୟାନକୁ ବିକ୍ରି କରିବାରେ ସଂପୃକ୍ତ ଅଛନ୍ତି ସେମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ଶ୍ରୀ ମହାନ୍ତି ଦାବି କରିଛନ୍ତି ।
ଏହି ପ୍ରତିବାଦରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜଗନ୍ନାଥ ପ୍ରଧାନ, ଭୁବନେଶ୍ୱର ଜିଲ୍ଲା ଉପସଭାପତି ସୁଶାନ୍ତ ଜେନା, ଯୁବମୋର୍ଚ୍ଚା ଉପସଭାପତି ଦିଲୀପ ବେହେରା, ଯୁବମୋର୍ଚ୍ଚା ସଂପାଦକ ପ୍ରସନ୍ନ କୁମାର ସାହୁ ଏବଂ ମଣ୍ଡଳ ସଭାପତି ଅଂଜନ ନାଥଙ୍କ ସମେତ ସ୍ଥାନୀୟ କାର୍ଯ୍ୟକର୍ତା ପ୍ରମୁଖ ଉପସ୍ଥିତ ଥିଲେ ।